Аз рӯи ҷамъбасти семоҳаи якуми соли 2024 музди меҳнат дар Ўзбекистон ба ҳисоби миёнаи солона 19,8 фоиз афзуда, 4 миллиону 920 ҳазор сўмро ташкил дод.
Аз рӯи афзоиши музди номиналӣ вилояти Андиҷон – 25,2 фоиз, шаҳри Тошканд – 22,3 фоиз ва вилояти Фарғона – 21,5 фоиз пешсафанд.
Тибқи иттилои Агентии омор нишондиҳандаҳои баландтарини музди миёнаи меҳнат аз рӯи минтақаҳо дар шаҳри Тошканд (8,1 миллион сӯм), вилоятҳои Навоӣ (6,5 миллион сӯм) ва Тошканд (4,8 миллион сӯм) ба қайд гирифта шудааст.
Дар вилоятҳои Сурхондарё (3,5 миллион сӯм), Қашқадарё (3,6 миллион сӯм) ва Намангон (3,6 миллион сӯм) музди меҳнати нисбатан паст ба қайд гирифта шудааст.
Аз рӯи соҳаҳо музди миёнаи меҳнат аз ҳама бештар дар соҳаи молия ва суғурта – 13,2 миллион сӯм, ҷои дуюм дар бахши иттилоот ва алоқа (11,7 миллион сӯм) ва ҷои сеюм дар соҳаи нақлиёт ва нигоҳдорӣ (7,4 миллион сӯм) боқӣ мондааст. . Музди миёнаи камтарин дар соҳаи тандурустӣ (3,2 миллион сӯм) ва маориф (3,4 миллион сӯм) боқӣ мондааст.
