Президенти Ҷумҳурии Ӯзбекистон Шавкат Мирзиёев 1 май дар остонаи Форуми байналмилалии сармоягузории Тошканд ва ҷаласи дуюми Шӯрои сармоягузорони хориҷӣ ҳайати Бонки осиёии таҷдид ва руршдро таҳти президенти он Одил Рено-Бассо қабул кард.
Бо қаноатмандии амиқ сатҳи баланди шарикӣ, ҳамкории зич ва пурсамари байни Ӯзбекистон ва Бонки осиёии таҷдид ва рушд, ки солҳои охир ба даст омадаанд, қайд гардид.
Имрӯз сандуқи лоиҳаҳои Бонк дар кишвари мо беш аз 4,4 миллиард евроро ташкил медиҳад. Саҳми бахши хусусӣ дар онҳо ба 70 дарсад наздик аст.
Стратегияи нави шарикӣ байни Ўзбекистон ва БАТР бо мақсади васеъ намудани самтҳо ва доираи ҳамкориҳо, пеш аз ҳама дар соҳаҳои тиҷорати хурду миёна, соҳибкории занон, энергетикаи алтернативӣ, технологияҳои рақамӣ ва ғайра қабул гардид.
Бо дастгирии фаъолона ва иштироки бевоситаи Бонк ҷиҳати омода намудани корхонаҳои давлатӣ ба хусусигардонӣ тадбирҳо андешида шуда, дар бахши бонкӣ ва молиявӣ амалиёти калон амалӣ гардида, заминаи меъёрӣ дар соҳаи энергетикаи сабз, инфрасохтори нақлиётӣ, экология ва дигар соҳаҳои афзалиятнок такмил дода мешавад.
Сарвари давлат аҳамияти ҳарчи зудтар омода ва татбиқи лоиҳаҳои навро дар соҳаи обтаъминкунӣ, энергетика, инфрасохтори роҳ, рушди шаҳрҳои «сабз» қайд кард.
Инчунин оид ба рӯзномаи ҷаласаи дарпешистодаи Шӯрои сармоягузорони хориҷӣ табодули афкор сурат гирифт.
